當年今日
關於我們

【都係自拍算啦】明寸男友影相差 雨僑:1千張先得1張靚

蘋果日報 2017/02/17 20:30

常在你左右雨僑自拍

雨僑今日去到尖沙嘴為CASIO推出嘅自拍神器宣傳,自拍經驗豐富嘅雨僑笑指,每次叫男友羅力威幫手影相,都難得有滿意照片,雨僑苦訴:「叫佢揸機影相,1千張都會有1張靚嘅,所以唔會成日叫佢影,之前睇過一個專題節目講男友同老公學影相,男士可以向呢個方向發展。」
雨僑啱啱完成電影《常在你左右》拍攝,佢話:「我飾演一隻鬼,同林家棟合作,但喺戲中只係我睇到佢,佢睇我唔到,所以拍完齣戲,雖然有同場,但係冇對手戲。」雨僑又話因為接拍今次鬼片,先至睇過有關貞子電影,雨僑話:「o依家先至知,原來貞子係冇樣得隻眼。」