神劇《太陽的後裔》雖然有好高人氣，但仍然有唔少劇迷因為過多植入式廣告而不滿，例如宋慧喬經常去嘅三文治店、咖啡店，兩間餐廳都係植入式廣告。

而噚日就有韓媒報導，由於《太陽》嘅植入式廣告太明顯，清楚見到品牌名，而被韓國放送通訊審議委員會要求重新審議該劇。委員會相關人員表示：「對於係咪違規仍需要經過審查後先決定，但如果被認為係過量，會對《太陽》做出相應嘅處罰。」