【黃色經濟圈】袁學謙逆市開食店冇蝕錢 林欣彤怕沉淪唔拍拖
蘋果日報 2019/11/29 16:15
林欣彤啤梨袁學謙
（攝影：王連連）- 袁學謙表示曾到非洲27日拍攝旅遊節目，花了140萬元港幣。
- 林欣彤稍後便會閉關，專心籌備音樂會。
- （左起）施匡翹、啤梨和蘇慧恩一起錄廣播劇。
沒有跟無綫簽約的袁學謙，今日到新城接受訪問，他表示之前拍好的節目，會由J2台轉在大台播出。有傳無綫將會大量裁員，袁學謙表示不知道：「冇聽過，我都知巿道唔好，之前佢哋有搵過我傾續約，但之後冇搵，而家自己做都可以。」他與朋友合共3人在逆巿開飲食店，分別在中環和觀塘開設飲品和蛋糕店：「開業3個月已收資平衡，原本諗社會風氣有影響，但有同事喺中文大學事件有捐錢被認為係黃店，所以生意好啲。我哋將會喺台北開分店，遲啲諗過喺柬埔寨開多間，因為兩個地方租金平。」
另外，仍會繼續主持旅遊節目的他，表示由資料搜集到贊助也是自己做，他稍後亦會到法國拍攝，笑言想增添女主持人：「之前去俄羅斯睇極光，一個好悶，去冬天地方冇嘢玩，但去夏天嘅地方最好有個女仔。」
12月尾會舉行音樂會的林欣彤，今日到新城宣傳新歌《一秒》，她表示這歌自己包辦作曲、填詞，講喜歡人時，拍拖會有沉淪狀態，但現時自己專心事業沒拍拖，亦覺得拍拖時太沉淪也不好：「聽得太多恐怖例子，就算結咗婚都有第3者，所以好驚，唔好咁沉淪好啲。我好容易信人，唔會check電話，又唔會偷睇，呃我會好易。」
林欣彤稍後便會停止工作，閉關專心籌備音樂會，她指音樂會上會有一位男表演嘉賓，但不肯透露是誰：「大家應該估唔到係邊個，唔係許廷鏗，嗰個人唔係歌手，但佢喺我心目中係一個歌手。」
將會一起錄廣播劇的歌手施匡翹、蘇慧恩和啤梨，今日到新城錄音，劇中施匡翹的男友是啤梨，二人兩小無猜，首次錄音得師兄啤梨教導，但啤梨笑言：「望住我會唔會令你難入戲？」施匡翹則指今次廣播劇是自己之前派台歌《初心》的延續，二人也會聲演童年版，聲音也要扮得像年輕人，她說：「啤梨好專業，畀我好多意見，幫我發揮感情。」
蘇慧恩自爆是啤梨的粉絲，主動向老闆自薦做此劇，但她今日為到新城宣傳卻在美孚遇大塞車，為了到達現場，自己落車跑到車站轉乘港鐵。
採訪、攝影：王連連