早幾日，響報紙嘅外電消息中，得知德國福士車廠旗下嘅Phaeton車系，由於有多達12部新車不翼而飛，因而被外間戲稱Phaeton為幽靈車；雖然睇落不過係一單語帶諷刺嘅報道，惟亞Mark反觀若然真係被偷的話，呢班賊仔確實係好識貨。
事關呢部福士旗艦車Phaeton，雖然名氣及不上平治S-Class及寶馬7系，惟亞Mark身邊有外籍友人，曾試乘過此車，對其舒適性及豪華程度；均有上佳嘅好評，只可惜香港車迷，至今仍未有機會見識過。歸根究柢，本地代理仍未得車廠給予一個好價錢，令Phaeton未必能夠抗衡同級勁敵嘅7系同S-Class囉！