【結婚玩自嘲】42歲BonniePink話終於有人接收
蘋果日報 2015/09/22 06:00
蘋果即時婚訊日本女歌手BonniePink
42歲BonniePink噚日慶祝入行20周年，順便公布婚訊。- BonniePink講笑話終於都有人肯接收佢。
- 除咗公布婚訊之外，BonniePink仲話自己將推出新碟。
- 9年前嘅護膚品廣告，令BonniePink曾人氣急升。
- BonniePink多年前走型格女歌手路線，染紅頭髮。
曾經喺日本有唔錯人氣嘅女歌手BonniePink，今年已經42歲，噚晚佢喺東京澀谷舉行20周年紀念演唱會，佢唱到尾段時，BonniePink突然間話：「今年20周年，有啲我想做但未做到嘅事情，今年都做到，我仲有一件心願達成咗。」當在場歌迷都以為係同佢事業有關時，佢竟煞話：「咁樣嘅我，終於都有人接收喇！」
原來佢係話畀粉絲聽，佢今年4月已經同一個圈外人結婚，雖然話係圈外人，但都係喺音樂界中工作，報喜訊竟然玩自嘲，粉絲當然好替佢高興，話晒佢都42歲啦。
原來佢係話畀粉絲聽，佢今年4月已經同一個圈外人結婚，雖然話係圈外人，但都係喺音樂界中工作，報喜訊竟然玩自嘲，粉絲當然好替佢高興，話晒佢都42歲啦。