無綫合併星煥唱片組成星夢娛樂集團有限公司，日前舉行成立典禮，星煥歌手許廷鏗﹑吳若希及胡鴻鈞順利過檔，而許廷鏗更被指同《星夢傳奇》冠軍鄭俊弘爭公司一哥地位。

其實論樂壇成績，無論喺出碟或攞獎方面，鏗鏗超過鄭俊弘嘅，而許廷鏗下月喺九展舉行處男演唱會，至於個唱海報近日亦喺網上曝光，不過有眼利網民發現，該款海報同由荷里活男星祖瑟夫哥頓利域（JosephGordan-Levitt）擔演嘅電影《時凶獵殺》（Looper）極為相似，故指鏗鏗呢張海報涉抄襲。