34歲嘅湯唯早前與44歲嘅韓國導演金泰勇，發出聯名聲明宣佈訂婚喜訊，兩人仲會喺今年秋天舉行婚禮，而湯唯經理人強調兩人去年重逢後，從朋友發展成戀人，故此不存在「第三者」，同時佢亦堅稱湯唯並無懷孕。

日前有報道影到湯唯同金泰勇，一齊入住北京嘅一間酒店，過咗一陣，就見到佢哋兩個，同埋湯唯嘅爸爸媽媽一齊食飯。

之後過兩日，又見到湯唯同金泰勇甜蜜shopping，只見湯唯紮住馬尾，著T恤、短褲，而金泰勇亦一身casuallook，佢哋拎住戰利品。兩個雖然行到一前一後，但當入到電梯後，湯唯甫見到其他人，就小鳥依人咁匿喺金泰勇後面。