宇宙巨G.E.M.(鄧紫棋)連日嚟都有唔少負面新聞，好似之前話佢辣慶《我是歌手》嘅導演洪濤，當時因為宇宙巨G.E.M.係都要換自已嘅新歌上場，所以最後上唔到《我是歌手》，又爆出G.E.M.用粗口鬧工作人員等等，然後就G.E.M.方面出道歉信，不過依然俾人鬧爆，今日又有最新發展。

是咁的，有週刊就搵咗洪濤回應事件，洪濤先撐宇宙巨G.E.M.冇用粗口鬧喊幕後：「不知道消息哪來的，她在演唱當中，很聰明乖巧，這個我可以作證。」仲話辣慶佢嘅唔係宇宙巨G.E.M.，而係佢嘅宇宙級經理人張丹。洪濤直指張丹態度惡劣打俾佢話要唱自己歌，洪濤仲話張丹當時話：「你們答應我們唱自己的歌，為甚麼要換！」洪濤同佢講清楚情況，張丹就鬧：「你們節目重要，你們就換人吧！」

洪濤唔死心，再之都等唔到佢嘅消息，洪濤搖頭：「這麼強勢的決定不參加，我覺得我是沒有辦法接受的！」不過宇宙巨G.E.M.嘅負面新聞多，都唔係第一日嘅事，古語有云「空穴來風，未必無因」，係唔係所有嘢都關張丹事呢？有啲嘢，一個巴掌拍不響，真係要用時間去證明喇!