昨日，當聽到萬洲國際（288）因招股反應欠佳而暫緩上市，密西比第一個反應，是想起電影《國產凌凌漆》對白。「你以為你匿喺度就搵唔到你咩？冇用架！你啲咁出色嘅男人，無論喺邊度，都好似漆黑中嘅螢火蟲一樣，咁鮮明，咁出眾」這一句對白，相信可反映集團管理層於上市路演時、作為業界王者的心態。
其後，當管理層知道基金經理覺得萬洲招股價「叫價太高」，最後更需要削減集資規模時，內心應該會這樣想「我仲估我哋嘅交往係建築喺感情之上，估唔到，原來都係一盤生意」。
基金當然是「講金唔講心」，難道當回報欠佳時，萬洲可以跟基金說「近排興食齋，冇乜人幫襯，不如咁啦，攞兜豬肉返去頂住數先啦」？