台灣組合S.H.E成員田馥甄Hebe噚晚喺香港紅館開一場演唱會，而S.H.E成員任家萱（Selina）亦專程來香港棒場，Hebe巨星級排長，只許拍第一首歌，訪問時又唔可以拍片，不過現場唔少聽眾不停拍片和影相。

Hebe出場坐住一個水滴型嘅吊台從半空降落，唱完第一首歌就用廣東話同現場觀眾講嘢，但係講極人明，台下無反應，田馥甄講咗「填褲恩」，最後佢索性用普通話再講，佢話自己有畏高，坐吊台時兩腳發軟。Hebe又唱出陳奕迅（Eason）的廣東歌《無條件》，唱到尾段甩咗一句，佢話：「Eason唱到這首歌時，我的眼淚就無法抑止的噴出來，寫得好好，所以我唱的時候也無法抑止。」

在演唱會完騷訪問，Hebe話做騷前無刻意練廣東話，不過《無條件》就練習一兩個月，聽自己發音有無唔準，上台前問香港工作人員有8成正確。」問佢點解唔畀Eason聽下，佢話：「不好意思。」

講到Ella今日生日，Hebe話會同兩個姊妹慶功加慶生，難得大家咁忙都以一聚，會唔會叫Ella生b，Hebe話：「不會，生一定拿來玩，小孩一定會愛我比她多。自己很喜歡小孩子。」之後，問到Hebe係唔係因為之後要巡迴，所以唔俾傳媒拍照，只可以影5首歌，佢話：「這是最好的，第一件衣服是最漂亮，不過其實自己不太清楚，我只是來唱歌。」Hebe反問記者是否全場禁錄音拍片？當佢知道在場觀眾不停拍片影相，只是露出一個尷尬無言嘅樣。