第70屆威尼斯影展，將於香港時間明日凌晨舉行開幕禮，雖然只有蔡明亮執導嘅台灣片《郊遊》入圍主競賽單元，喺唯一角逐最高榮譽金獅獎嘅華語片，但唔少荷李活紅星匯聚，仍令今屆威尼斯影展備受重視。

開幕片《引力邊緣》（Gravity）一對男女主角佐治古尼（GeorgeClooney）及姍迪娜布洛（SandraBullock），噚日已抵達水都，儘管早前甩拖，但佐治精神唔錯；至於姍迪娜則有子萬事足，佢帶埋養子小Louis一齊感受影展氣氛。

此外，身為開幕禮女司儀嘅意大利女星EvaRiccobono，着住拖地薄紗長裙，喺沙灘大擺甫士給攝影師拍照，但因上衣太薄令Eva不慎透點。