鄺俊宇（立法會議員）：「我係鄺俊宇，我係立法會議員，無論形勢幾咁艱難，香港人絕不認命，各位手足，我哋打好呢埸仗。反送中，616再上街。」張柏基攝

陳先生（退休人士）：「有人話如果我地上街係冇用，但其實我覺得如果我地唔上街嘅係更加冇用。經過咗上星期遊行，政府依然強硬推出逃犯條例修訂，如果嚟緊呢個星期日，我哋上街人數係少過上個星期日嘅，就必然會成為政府口實，認為民意已經改變。」

Susan（師奶）：「其實我唔理成數高唔高，我都會上街，因為其實再唔上嘅話，未必有得上架啦喎。如果條例通過話，返唔到轉頭架啦喎。呢個係一個公民社會，我哋都要需公民責任去參與。反送中，616再上街。」何建忠攝

Sony（中學生）：「 我哋要守護香港民主自由，反對警察暴力對待中學生。反送中，616再上街。」張柏基攝

阿志（學生）：「我哋選擇喺香港最黑暗嘅時間企出嚟，係因為我哋唔忍心睇住我哋嘅屋企，一步一步咁樣畀惡勢力去影響，我哋唔忍心再睇到我地嘅屋企，眼白白咁望住佢就咁死咗喺一班政客手上。我哋真係接受唔到將來喺一個冇言論自由社會底下繼續生存落去。我哋咁樣唔單止為我哋自己，係為全香港差唔多成800萬人，為我哋下一代。反送中，616再上街。」何建忠攝

鄧同學（學生）：「6月16號我會上街支持反送中遊行 ，我哋唔可以將香港白白斷送上大陸。反送中，616再上街。」何建忠攝

Canace（保險界、基督徒）：「我係一名基督徒，我要話俾政府知我哋仲未放棄，反送中，616再上街。」張柏基攝

黃同學（中五同學）：「反對林鄭硬推逃犯條例，反對警察暴力對待市民，反送中，616再上街。」張柏基攝

周同學、張同學、李同學及職員羅先生 香港天主教大專聯會：「我哋係一班天主教徒，我哋再上街原因，係因為林鄭都係我哋嘅姊妹，我希望佢聆聽佢嘅兄弟姊妹嘅意見。反送中，616再上街。」張柏基攝

劉先生（公務員）：「呢個政府唔聽民意，我哋要再一次話畀佢聽，我哋嘅民意係點樣。反送中，616再上街。」何建忠攝

劉先生（通識科教師）：「我想同政府講，你哋當日所做行為，對學生完全錯誤嘅，係血腥嘅鎮壓，所以大家必須一齊站出來。反送中，616再上街。」張柏基攝

Kitty（全職主婦）：「我哋嗰代係最豐盛嘅時候，賺到最多錢，經濟最好嘅時候，但如果呢條例繼續發生嘅時候，可能好多財團因為咁而離開香港，到時講真一句，香港經濟會差，咁我地下一代得到啲咩呢。無架。反送中， 616上街。」張柏基攝

何芝君（嘉諾撒聖方濟各書院校友、林鄭月娥校友）：「林鄭月娥竟然下令警察咁樣去暴力對待和平示威者，無咗認受性，警察過份嘅武力，一定要被追究到底。616請大家記住上街，繼續反送中。」張柏基攝

Sally（兩個女兒的媽媽、秘書）：「林鄭月娥你不配做一個媽媽，你去傷害我哋香港下一代，濫用警力傷害我哋嘅小朋友，禍害下一代。616再要上街。」張柏基攝

Gloria（樂器導師）：「我哋唔係淨係關注音樂藝術世界，亦都好關心我哋成長嘅地方。自從逃犯條例修訂以嚟，對音樂界影響接踵而來，一啲白色恐怖，令大家都懼怕捉唔到紅線而被引渡。錢冇咗可以搵返，但係自由失去咗，我哋就會咩都冇，我哋學生 我哋下一代，只可以生活喺恐懼之中。反送中，616 再上街。」彭志行攝

Ken（巴士車長）：「我睇到林鄭月娥政府對於市民，103萬人出嚟遊行嘅訴求係無視啦，而家話係暫緩，並唔係我哋真正嘅訴求，我哋需要嘅係撤回。而且佢需要為鎮壓年青人呢個行為負責下台。反送中，616 再上街。」夏家朗攝

陳先生（地盤職工總會理事）：「我而家喺呢一度係呼籲所有建築工人，喺616出嚟遊行再上街，喺617 再出嚟參加呢個罷工行動，使到呢個惡法可以撤回。因為呢個惡法對於下一代係非常之差嘅。喺過去嗰幾日，我哋睇見警民衝突，大家都已經知道政府係發晒癲。我哋要顯示我哋人民嘅力量。我哋喺616再出嚟，617再罷工 。」彭志行攝

Kristy（左，西裝店店主）：「我係兩個小朋友嘅媽媽，咁我希望今次林鄭可以撤回條例，希望可以保護到我個小朋友嘅將來，可以喺一個有人身同言論自由社會繼續生活。反送中，616再上街。 」 Jeff（中， 西裝舖店員）：「我希望可以直接撤回返逃犯條例，而且可以保護返我哋香港既核心價值，保護返我哋嘅自由。反送中，616再上街。」 Catherine（右，婚紗設計師））：「我係一個土生土長嘅香港人，我愛香港，我希望大家可以保護我哋嘅言論自由，同埋保護我地嘅民主。我呼籲香港市民可以616繼續上街，支持反送中。反送中 ，616再上街。」夏家朗攝

左起：蘇華熙、冼樂珩、李若蘅、鄭凱盈、陳琍因（港大李國賢堂宿生）：「即使面對近日有100萬人上街，政府仍然漠視民意，警方更加過度濫權使用暴力，更加藉拘捕學生喺校園散佈白色恐怖，嘗試去打壓我哋言論自由。但正因為咁，我哋先至要企出嚟，唔可以退縮。反送中，616再上街。」何家達攝