韓國人氣綜藝節目《無限挑戰》2005年開始播出，今年踏入第12個年頭，《無限挑戰》亦都成為韓國民眾嘅「國民綜藝」，不過今日韓國方面就傳來消息話《無限挑戰》將會停播七周，令唔少粉絲都好擔心《無限挑戰》會步《Running Man》嘅後塵，無限期停播。

而《無限挑戰》嘅金泰浩PD就回應有關停播消息，並表示《無限挑戰》將剪輯經典片段製作特輯代替正常播出，同時亦強調停播七周係為之後工作能正常進行而做準備，又話：「唔係要借呢個機會做啲好厲害嘅特輯，而係為搵返《無限挑戰》本來嘅特色為宗旨。」事實上金泰浩PD去年都曾提出過類似方案，今次就終於落實，佢話原本打算一次過播出六周傳奇篇，但覺得太多，之後決定喺新春期間播出新節目《四十青春期》，之後四周就播《無限挑戰》特輯。

金泰浩PD話：「雖然七至八周成兩個月對觀眾嚟講好長，但對於我哋製作組來講，停下來回顧一下過去，再進行修正都係要繼續做準備。」不過網民就擔心《無限挑戰》停停下就變成真正停播，又變成《RM》一樣，同觀眾說再見。《無限挑戰》下周六如常播出，但由28日一集將停播至少七周。