當年今日
關於我們

【棟析先機】有馬孭飛仲抵博!「寶山鷹」跟馬跑仲耍家(陳華棟)

蘋果日報 2020/01/04 00:00

寶山鷹陳華棟棟析先機跟馬跑

新嚟嘅法國騎師彭國年,元旦日(1日)座騎實力平平,但拎到一W兩P成績認真唔錯,甚至可能係除咗莫雷拉以外,近五至七年初出成績最好嘅一位!
阿棟睇佢嘅騎術、搶位、走位同開鞭時機都係唔錯,唯一缺點係直路打樁情況幾嚴重,好彩佢唔似田泰安嗰種咁大動作,相信問題都唔大,事關動作一大,就好似孭住小朋友嘅大人,行步路都唔舒服!
而佢一炮而紅後,相信日後亦不愁無好座騎,可以喺 香港 站得穩陣腳啦!
周日(5日)第一場四班1000米,「過河勁卒」初出跑快活谷,出閘慢又要中途遇意外,但直路都追得勁跑第四,成熟進度睇嚟唔錯,睇嚟更加唔似係等閒四班馬。
今勻轉跑沙田直路賽,雖然排最惡劣嘅1檔起步,但呢類馬只要跑啱自己節奏,後來居上贏馬,一啲都唔難。
第七場三班1200米泥地,「寶山鷹」因為有「錶之銳」呢匹近期大紅嘅泥地馬,相信熱極都有個譜;後駒上場雖勝但被「公証福將」追到氣咳,睇嚟阻力開始浮現。
反而「寶山鷹」今季改跑法戰略,跟領放馬表現更好,進步更大,有多啲分頭更值博!
第八場三班1400米,「元朗之星」轉跑中距離後演出大幅改善,仄準後上場稍跟領放馬之後,直路一湧而上贏得易,「不羈的風」同「超新星」跑二、三名但連塵都無得食,足證卡士上乘。
三班只係過客嘅馬,今勻再戰千四但加磅唔多,可以贏馬升班!