運動神經元病（MND），俗稱「漸凍人症」，英國物理學家霍金（Stephen Hawking）於21歲確診此病，成功對抗病魔逾半世紀，成為世上著名的「漸凍人」，霍金於今年3月離世，享年76歲。

數年前，世界各地藝人名人參加「冰桶挑戰」幫助「漸凍人」，劉德華、陳奕迅、黎姿、徐子淇、容祖兒、周杰倫等均有參與，希望引起大眾關注「漸凍人症」。

腦神經專科醫生袁孟豪接受《蘋果》電話訪問表示：「運動神經元病（MND)影響運動神經線，患者會出現肌肉無力、肌肉萎縮，最初會影響手腳肌肉，當病情嚴重時，病者可能出現吞嚥困難造成肺炎，另呼吸肌肉有機會導致呼吸失調，甚至乎死亡。」

問到MND有否根治方法？袁醫生表示：「喺西方醫學暫時冇根治方法或根治藥物，依家用嘅藥物係可以減慢運動神經元退變速度，希望改善患者生活質素，如果患者出現呼吸困難或吞嚥困難，有機會需要用喉管進食，或家用呼吸機幫助呼吸。」

中大中醫臨床教研中心顧問中醫師黃杰誠博士在電話說：「呢種病好複雜，目前嚟講西醫冇藥醫，中藥針對運動神經進行治療，希望病人唔好絕望。」

不幸患了MND的吳博君，現除了定期到醫院覆診做物理治療，亦在艾威介紹下看中醫，雙管齊下。艾威在電話表示：「當初聽到佢呢個消息，當然係唔開心，希望佢知道，雖然冇見咁多年，大家依然係好朋友。」

當日艾威到醫院探博君，見到對方在病床不能動彈，雙腳冇力，肌肉開始萎縮：「佢好消極，諗不如快快趣趣解決好過！依家佢由人生好灰，變得有希望。我同太太有困難時，都係得到好耐冇聯絡朋友幫助，佢（博君）話唔知點報答我，其實唔使講呢啲，有能力幫人時咪幫番人，唔一定報答我，幫到其他人都係報答。」