隔牆有耳：中環「戀殖節」
英式電話亭、雙層巴、御林軍任影 - 李八方
蘋果日報 2015/11/10 00:00
喜愛英國文化、鍾意四圍自拍嘅朋友，仲唔快啲去遮打花園？噚日開始至14日，朝11晚10，成個遮打花園變咗做London Street，入面有足夠道具畀各位戀殖粉絲，例如英國電話亭、郵筒、雙層巴士車頭、英國名車等。現場仲有兩位英國「御林軍」同大家一齊影相，吸引唔少港男港女去集郵；希望香港去殖化嘅內地官，唔知點睇？
遮打花園變身倫敦大街，有好多英國名店畀大家掃貨同品嚐美食。彭志行攝
英國文化節繼早前喺添馬公園搞露天影院，播放英國電影後，第二波活動過咗去中環，舉行Slice of London，中環遮打花園再次成為「英國殖民地」，多個具英國特色嘅景點畀大家影相。其中最吸引市民係電話亭，個個排隊入亭、拎起個電話，擺甫士留倩影。現場有來自英國嘅時裝店、名錶店、音響店等畀大家掃貨，若果嫌貴，現場有攤位售賣T恤、水杯、雨傘等紀念品。
活動以英國做主題，現場點少得英國地道美食Fish and Chips，大份要148蚊，半份要108蚊，食店標榜食材全數來自英國。現場仲有露天長枱長凳，三五知己可以坐低吹水飲啤酒。
活動以英國做主題，現場點少得英國地道美食Fish and Chips，大份要148蚊，半份要108蚊，食店標榜食材全數來自英國。現場仲有露天長枱長凳，三五知己可以坐低吹水飲啤酒。
充滿英國風情嘅「御林軍」同郵筒，都係任影唔嬲。
雙層巴士車頭仲可以畀市民爬上去影相。
寫明信片贏雙人機票