【新增動新聞】
香港培道小學幼稚園向家長發出通知，指今日獲衞生防護中心通知，為免流感蔓延，校方需由1月21日至25日停課，但小學就照常上課直至另行通知。元朗信義會生命幼稚園亦發家長通告，指昨日（17日）接獲多名家長通知學童發高燒，其中一人更要入院，通知家長明日（19日）起至下周五（25日）停課。對於學校停課一周的安排，有家長對安排表示贊同，認為做法可防止流感疫情蔓延，不過家長坦言突然停課對人手安排有點「麻煩」，對於要上班的家長或有較大影響。

前來接孫兒放學的黎太表示贊同，「都係好嘅，因為呢排流感真係太犀利，如果一陣間病埋就麻煩」，雖然黎太認為停課安排有點麻煩，「不過有人幫手都唔使驚」。黎太表示沒有留意班上是否有小童患有流感，她指孫兒沒有打流感針，但沒有太擔心，「自己喺清潔方面會做好啲，每日都有戴口罩」。

麥小姐表示停課安排沒有讓她措手不及，「對我哋影響唔係太大，有工人姐姐幫手，但可能對要返工嘅家長就會有影響」，她滿意學校的停課措施，「知道出面好多人有流感，幼稚園部都會有啲小朋友感冒或者唔舒服，停一停都係好嘅」。麥小姐指雖然兒子沒有打流感針，但這段時間有加強衞生清潔，「呢個禮拜開始日日戴口罩同埋洗手，自己小心啲，避開人多嘅地方，同埋早啲瞓囉」。

林太指自己是自僱人士，故停課安排對她沒有造成太大影響，「我時間比較彈性，同埋安全起見停課都係好」。林太表示滿意學校的清潔及衞生措施，「好定期清洗，所有人都戴口罩，我哋家長入學校都要戴口罩，做得好好」。林太指兒子沒有打流感針，「我個人唔太鍾意打咁多針，應該係加強抵抗力，會帶佢去公園曬太陽、足夠水分同休息，同埋做運動，呢段時間都會定期幫佢用消毒噴手，我覺得做得夠就可以，擔心唔到咁多」。