上任「蝙蝠俠」基斯頓比爾(Christian Bale) 係荷李活出名嘅「橡皮人」，曾多次為角色增肥、減磅、練大隻，非常尊業。最近佢出席Telluride電影節活動，就見到佢再次脹爆現身，原來係因為佢又接到新角色要增磅，扮演前美國副總統切尼（Dick Cheney）。除咗肥咗，佢仲將眼眉都染成金色。

其實佢咁多年嚟都非常厲害，試過為《迷魂殺陣》（The Machinist）減磅63磅，又為《騙海豪情》（American Hustle）增肥，當然今次都一樣係為電影角色增磅，令人敬佩。