日本組合AKB48成員小嶋陽菜已經28歲，上個月19日係佢牛一，陽菜過去半個月已獲好友搞咗多個生日P，日前佢已食到今年生日嘅第8個蛋糕，點知今日仲繼續慶祝，獲幾位圈中好友搞咗個Pink色主題嘅派對補祝生日。

今日舉行嘅遲來生日P，陽菜得好AKB昔日好姐妹大島優子、峯岸南同埋變性藝人佐藤佳代慶祝，眾人為呢位過氣壽星女送上粉絲色忌廉蛋糕，佢哋個個都頭戴花環化身女神造型，當中大島優子更低胸盡晒事業線。