曾幾何時，韓國女團少女時代（少時）係兵哥嘅頭號女神，因為有少時嘅靚樣、甜美聲線同長腿作為佢哋嘅精神食糧，佢哋先可以完成兩年兵役，盡大韓民國男子保家衛國嘅責任。

不過現今女團實在太多，喺近日一個對560名軍人進行嘅「最恨見面嘅女團」調查中，少時就讓位畀一班後輩上位，同EXID齊齊並列第9位，不敵近來人氣爆燈嘅雪炫所屬組合AOA。

AOA擊敗一眾勁敵稱霸，緊隨其後第2名就係TWICE，TWICE之中台灣成員周子瑜人氣強勁，隨時帶領隊友反超前坐正。第3和第4名分別係RedVelvet同MAMAMOO，APink同Lovelyz並列第5，GFRIEND第7，而第8位就係Girl'sDay。