當年今日
關於我們

扮靚拜神再領獎
Twins《勁歌》賽前頻撲8小時

蘋果日報 2002/01/14 00:00


英皇組合Twins在昨晚出席《勁歌金曲頒獎典禮》之前的八小時,可謂風塵僕僕,二人先要自行化妝及穿上私伙新衫,到中環一間髮型屋整頭,然後再往紅館出席《勁歌》拜神及到荃灣做宣傳,其間Twins被fans推撞兼踩腳。
英皇人氣組合Twins,前晚從浙江橫店返香港,隨即趕到紅館為昨晚舉行的《勁歌金曲頒獎典禮》綵排,而在昨日賽前的八小時,Twins更加忙個不了,中午約十二時已先穿好私伙靚衫,前往位於中環的CHIN.G髮型屋set頭。

出動私伙靚衫
Twins為省時間,一早在家中吃過早餐,以及穿上新購的衣服,蔡卓妍(Charlene)以一套共值約二千八百元的Hysteric番茄公仔毛衫加短褲上陣,鍾欣桐(Gillian)則揀選了購自西武的紅色衞衣和Hysteric牛仔裙,共值約二千元。而兩人在髮型屋內一邊自行化妝,一邊由御用髮型師Daniel,在一小時之內替她們編好簡單的辮子頭。
Twins整妝完畢,即趕往紅館出席《勁歌》拜神儀式,繼而又匆匆趕到荃灣廣場,參加「2001快上位之星頒獎禮」領取獎項,不過二人抵達荃灣的停車場時,守候的一班fans群情洶湧,令Twins被推到幾乎跌低,Charlene更被踩到腳踭。

歌迷硬闖上車
Twins完成宣傳後,又折返紅館為《勁歌》頒獎禮準備,不過一名男fans為取簽名,竟在紅館外一度硬闖Twins的保母車,幸遭在場保安及時拉開。
此外,對於蘇民峰批Twins今年行大運,二人卻說:「肯定唔啱,李居明都唔係咁講,我哋一路以嚟都唔覺得自己特別好運,要靠自己嘅。」被問到有關與容祖兒爭寵的傳聞時,Twins則回應道:「呢啲咁嘅報道,小兒科啦,根本冇啲咁嘅事。」
採訪:朱芷瑩、胡比、陳梅香
攝影:林德雄、何國豪