當年今日

趣趣地:艷星拋身救烏超破產球會

蘋果日報 2015/09/30 00:00


球會財困,艷星成功上位!話說烏克蘭超級聯賽有隊波叫米達雷治,佢哋今季成績就真係好唔掂,踢咗九場都未開齋,得三和六負,以三分包尾,仲要財政出問題,瀕臨破產。喺呢個危急存亡之際,當地就有位叫安祖蓮娜(圖)嘅艷星就自告奮勇,為米達雷治拋個身出嚟,影咗輯半裸寫真,佢希望呢輯寫真嘅收益可以幫到球會度過難關。據報,安祖蓮娜嘅寫真好受歡迎,呢件事真係達成咗三贏局面,球會搵到錢,球迷有女睇,而安祖蓮娜亦成功博出位。