常聽說「平嘢冇好」，但經濟欠佳，商戶直接降價促銷，是吸引顧客的最直接方法。不過，作為消費者的你，當四處都在大減價時，應如何做到精打細算呢？
金融海嘯下，不少香港食肆推出晚市特價時段、任食及1蚊優惠等措施招徠生意。
有專家指出，錫住荷包的同時亦應錫住自己，要揀衞生良好，及食物質素有保證的食店，否則病從口入搞到要睇醫生，就得不償失。
除了食肆出招吸引食客，超級市場亦是另一個促銷戰場。現時香港的超市，經常以「買多一件有半價」、「優惠只限3天」、「全線減價優惠」、「周末勁減」等口號招徠，同時亦會在晚上6、7時後，將壽司刺身、熟食小菜等有食用限期的食物，割價促銷，消費者如果吼中超市特價時段購物，分分鐘可做慳家王。
不過購買時，一定要留意食物的食用期、品質是否新鮮等。