當年今日
關於我們

斥阿Yu唱片公司博宣傳
Edison:我唔慣俾人利用

蘋果日報 2003/06/26 00:00


陳冠希(Edison)近日與趙頌茹(阿Yu)傳緋聞,Edison前晚出席《千機變》首映被問及新戀情時,暗寸阿Yu的唱片公司MusicIcon放料,並說:「你哋想了解就問番阿Yu公司,我唔慣俾人利用。」
前晚在銅鑼灣舉行的《千機變》首映禮,陳冠希、Twins、鄭伊健、Boy'Z及何超儀等都有出席。Edison穿了一條在日本買的長裙出席,被問及和阿Yu拍拖的傳聞及阿Yu夜訪他寓所的報道時,Edison即時發𤷪𤺧,並暗示是阿Yu的唱片公司MusicIcon放料,利用自己做宣傳。

「我唔係玩具」
前晚Edison說:「阿Yu只係我一個朋友,唔明點解會寫成咁,我係一個人,唔係玩具,唔好將我擺喺呢邊又將我擺喺嗰邊,你哋想了解就問番阿Yu自己公司(MusicIcon)。我同緊阿Yu做嘢,會幫佢做logo,有朋友會幫佢作曲,咁樣傳好唔公平。」
Edison續說:「我唔介意俾人話,但身邊嘅朋友會介意,唔係每個同我一齊嘅女仔就一定同我有關係。我唔慣俾人利用,亦唔接受。」他又表示現時沒有拍拖,如果有的話,關係穩定才會公開,並說:「如果個女仔行埋嚟同我傾偈係有其他原因,我唔會理。」
另外,有傳張衞健找Twins的蔡卓妍拍電視劇《功夫足球》是想追求她,鍾欣桐代拍檔說:「唔係,我都有份拍啦。」

超儀照常工作
將於十一月結婚的何超儀,對於前來撐場的父親稱會送澳洲黃金海岸一層樓給她作結婚禮物一事,不作回應,只透露自己會照常工作,十月底還會與李燦森、金燕玲做歌舞劇。
採訪:魯萍、陳梅香 攝影:陳偉權、林德雄
empty
早前陳冠希在一活動上獻花給阿Yu,表示支持。
empty
阿Yu(右)
empty
左三起:鍾欣桐、蔡卓妍、劉思惠、蔣雅文及何超儀一起出席《千機變》首映禮。