葉楚航馬房經過兩個賽日，季內依然仲未有頭馬進帳，成績當然難言理想。

所謂公私分明，廐主葉楚航處理好廐務就去健身，給自己保持一個良好的精神面貌及身形。近日佢於個人社交平台，上載多張自己於gym房練體能的圖片。

呢位年屆半百的前冠軍練馬師谷行自己肌肉，用繩機去夾胸，之後就見佢成頭大汗，並在IG寫出「人操馬跑」四個字，好似好有heart咁款。

周日（10日）沙田日馬佢將派八匹賽駒上陣，當中包括爭跨季三連捷的灰馬「盛勢」，此駒質新當打，加埋廐主嗰團無形之火，葉廐隨時借勢打破今季齋缽。

圖片來源：葉楚航IG