「好心警察」近日主動接觸關注組副主席盧明光。盧憶述,警員態度友善,似出於關心。探員對他說,或許有「有心人」拿着巡守隊未有社團註冊這點作攻擊,向村民面授機宜。「警察叫我哋唔好公開啲巡守隊更表,話咁就等於有內部組織編制,教我哋同人講,大家係自發巡邏咁就得」。
巡守隊成員配備木棍,警察再教路說:「記住話木棍唔係用嚟自衞,話係用嚟趕蛇、趕狗咪得囉。」盧不知道警察為何厚待村民,「可能係對咗咁耐,培養咗感情啩」。
不過,警察部署一手軟、一手硬,廠戶張新有不滿政府沒有賠償,揚言作激烈抗爭。地政總署近日就聯同機電工程署、軍裝警員入門檢查,要求他搬走廠房內的石油氣。「警察隔日就上門,今日(昨天)先上咗嚟兩次」。