富薈馬頭圍酒店今天開幕，出席包括富豪酒店國際控股副主席兼總經理羅寶文、馬浚偉、國際小姐澳門代表麥嘉欣(Sofia)、國際小姐香港區代表黃詠珩同埋女神設計師簡幗儀(Lilian Kan)等。

對於香港小姐冠軍雷莊𠒇嘅外表備受批評，Sofia為雷不值而平反，佢話：「我睇番佢嘅訪問，覺得佢好大方，好努力學中文。」對於會否願意同場比較，Sofia說：「當然唔好比較，因為大家代表唔同嘅地方，相信佢受好太大壓力，如果發生喺自己身上，會睇吓網友留言，有得改就改，希望大家接受。」問到Sofia國際小姐選舉是否較少是非，佢話：「係呀！我哋能娛樂圈發展較細，有機會自己都想嚟香港發展。」

國際小姐香港區代表王詠珩表示，覺得港姐冠軍大方，有自信，佢話：「自信係另一種靚。有好多地方都值得我哋學習，唔同比賽有唔同嘅要求。」

馬浚偉表示同羅寶文相識多年，馬仔話：「佢請我擔任嘉賓，當然有畀酬勞我，我就收友情價。」問到馬仔會唔會同羅寶文合作搞生意，馬仔話：「佢啲生意咁大，有機會都會問下佢意見，我喺上海會搞製作公司，預計明年開始係最忙。」馬仔表示，有計劃喺內地開劇。

羅寶文邀請被譽為全世界最靚仔嘅意大利藉數學教授Pietro Boselli出席活動，羅寶文讚對方有智慧又係工程師，兼且係模特兒，又有自己嘅品牌，認為對方係好好嘅icon，問到羅寶文是否鍾意又叻又靚仔嘅男仔，寶文話：「相信好多人都鍾意，但選擇另一半以性格行先，要睇吓夾唔夾。」