商台DJ雲妮（Vani）大約半年前發現患癌，隨即向商台請假醫病，更在社交平台留言要放「悠長假期」，但當時未有詳述放假原因。休息半年，Vani選擇在哥哥張國榮生忌——9月12日再開咪，更特意將哥哥嘅多首歌曲剪輯，表達自己患病期間心情。

Vani在昨晚節目首30分鐘，講述自己患病經歷，雖然未有透露身體哪個地方出問題，但就透露了她發現時已是第三期癌症。Vani在節目中說：「要同朋友、自己身體講對唔住，但我同自己講我一定會好返，我唔會死。」

醫治期間，Vani指自己從沒抱怨，甚至覺得自己係最幸運嘅癌症病人：「我覺得自己好幸運，化療期間我滴最後一包藥先覺得痛，但當時我有好堅定嘅信念，我相信嗰段期間發生嘅事都係最好安排，我相信我主診醫生嘅專業，我相信所有藥物都會幫到我，我相信自己可以跨過呢個難關。」

Vani承認，治療過程唔可能長期保持正能量、也會受化療藥物影響心情，「我都有提醒自己，唔好強迫自己好正能量，反而會坦白認自己好唔掂、我會好軟弱、我會好怕痛、我好容易喊同好易發脾氣，會喺屋企人面前，好坦白咁話自己好辛苦，好需要佢哋。我將負面情緒發洩出來，放下以往龐大嘅自尊，原來都係正面嘅諗法。」

雖然成功打勝仗，但Vani籲大家不要用「抗癌戰士」來形容她，因為覺得受之有愧。Vani直言：「我覺得今次患重病，自己係責無旁貸同要負責任，因為我真係唔夠愛錫自己，情緒管理同生活作息都做得唔好，所以如果要讚，就讚嗰啲好愛惜自己、生活同思想正面嘅人，因為我都希望成為咁嘅人！」

此外，Vani今日也在社交網貼近照「報平安」，相中還有很多花，還有一個象徵「開咪」的蛋糕。Vani寫道：「昨晚重返903直播室，獲得前所未有的迴響！現在心情仍然很激動，感到被大量的愛緊緊包圍，無論是來自家人、朋友和聽眾們！謝謝大家」

「照片1是Collin拍的，他和麻利回來陪我開咪，我就哭了！收到大家送來的打氣禮物（包括哥哥的粉絲們）就流下了開心的眼涙；因為opening需要製作所以是預錄的，也是和大家一樣現場才第一次聽到Mixing成品，自己的感受和哥哥的歌渾然天成的在一起，又邊聽邊掉淚，所以昨晚哭到眼睛超級腫！」

「今早見到ig滿滿的留言，你們如此坦誠把聽節目時的感受告訴我，我又想哭了⋯⋯我已經成為一個超級『喊包』了！哇哈！」

今晚再聚！