越南裔女星姚志麗前日因胃癌併發症不幸離世，終年46歲。(新聞連結： http://bit.ly/2BFTO8P )

95年，她曾參與楊凡導演的電影《妖街皇后》，楊凡今日接受《蘋果》電話訪問時，講到當年合作經過：「係荷李活朋友通知我佢離世嘅消息。我哋最後一次見面3年前喺新加報，參加新加坡電影節，同時出席《三話二郎情》(妖街皇后)20周年紀念。」楊凡表示，當時見到姚志麗時，她身體看來抱恙。講到當年在新加坡拍攝《妖》片，楊導演說:「當時陳果寫完劇本，咁啱姚志麗嚟到新加坡探朋友，佢見到我套戲喺想幫啲被壓迫嘅小眾講說話，佢就應承咗拍。」

早在93年，姚志麗的出道作品，就已經擔正演出荷李活名導演奥利華史東（Oliver Stone）執導的電影《天與地》（Heaven & Earth），同戲對手是湯美李鍾斯（Tommy Lee Jones）及陳沖。楊凡說:「佢拍《天與地》就係想幫越南人講說話，拍攝期間大家相處好融洽。佢好好學，因為戲入面講佢係嚟自馬來西亞嘅馬六甲，佢專登去咗當哋睇驗。」楊凡表示《妖》片更成就了一段姻緣:「我哋個副導演識咗佢，之後位副導演仲追咗去洛杉磯，兩個人結婚之後生咗一仔一女。」