波神米高佐敦早前喺自己嘅籃球訓練營接受學員提問嘅時候，被問到同勒邦占士單挑邊個會贏，波神就話如果喺自己巔峰時期，佢會揀自己可以擊敗大帝，仲話問占士佢都會係揀自己！到咗噚日，占士出席一項慈善活動就真係畀人問到呢條問題，佢嘅答案又係點呢？

面對同佐敦都喺巔峰時期對決邊個會贏嘅問題，占士就話︰「我會揀我自己，呢個係肯定嘅。無論對邊個我都係揀自己，話你知，想要我哋離開球場就要搵定輪椅同叫定救護車」。雖然波神同大帝冇可能一齊喺巔峰，即係呢場對決冇可能出現，但聽到大帝咁答都想像到如果佢哋真係單挑會有幾慘烈。