改編自同名日劇、由車太鉉及裴斗娜主演嘅KBS新劇《最完美的離婚》，將於下月8號首播，點知開播前夕，就爆出劇組工作人員工時過長嘅問題，引起熱議。

日前有報道引述《最完美的離婚》嘅工作人員透露，劇組幾乎係每日早上7點集合，一口氣拍到晚上11、12點，甚至試過拍到凌晨1點先收工，即工作人員要連續工作17至18小時。據悉劇組唔止工時過長嘅問題，就連拍攝期間場地移動嘅時間、休息整理拍攝裝備嘅時間，都唔會計入工時，即變相剝奪工作人員應得嘅加班薪資。Hanbit勞動中心得知情況後，已經多次去信要求《最完美的離婚》劇組改善問題，但情況仍然惡劣，最後中心就趁劇組喺首爾麻浦區拍攝時，發起一人示威。

據悉，韓國三大電視台於本月4號跟輿論勞動組合簽訂產業別協定，按協定內容每日嘅勞動時間不得超過12小時。

精選韓流，喺晒《娛果》
http://fb.com/appledailyent