陪伴大家成長、臉上總是掛著笑容，戴著禮帽紳士服，笑咪咪滔滔不絕搞gag的盧David——盧大偉，今早6時49分因病離世，享年71歲。走的時候家人陪伴在側，遺容安詳。

盧David遺孀在好友金廣城、丁羽及張崇德等人陪同下，簡單交代盧David離開前點滴。盧太澄清說丈夫不是患腸癌，但詳情不便透露。

盧太說:「我係好唔捨得，我夠膽講我係好唔捨得David。David都好唔捨得我。但係我哋只係喺唔同嘅空間做唔同嘅嘢。我要更投人去做一啲David喜歡做嘅嘢。David仲有個同學會，3月13號有個關懷社區嘅行動，如果大家支持社會正能量可以嚟參加。同埋我哋每年喺文化中心都有一個招呼100位小朋友嘅活動，多謝大家嘅支持。」

「其實依家有少少混亂。我最想嘅嘢係，呢幾日都冇啖好食，要搵埋丁羽大哥同我飲個茶先。」說完笑了一笑，苦笑謂此段期間消瘦了20、30磅。

「我再咁樣沉落去唔係我老公想見到嘅事，我都要同自己講，要分工合作。佢就上咗天家歎世界喇，我就喺地下執行佢要做嘅嘢喇。」她再謂:「多謝志偉大哥當日安排咗個場地，同一餐咁好嘅齋宴，都唔似食緊齋。又感謝一直照顧David嘅醫療團隊，係好大嘅愛，去一齊經歷呢個過程。好感謝醫生同護士，甚至換床單嘅人，多謝醫護人員。」