日本乒乓球靚女福原愛喺上年9月先嫁畀中華台北乒乓球手江宏傑，話咁快喺星期四已公告天下有咗BB。日本傳媒就「鄭子誠上身」，話28歲嘅福原愛係想拿拿聲生咗BB之後，可以喺出年復出，並為2020東京奧運而準備，希望可以喺自己地頭奪得金牌喎！不過，就算福原愛真係產後復出，佢要爭入奧運都唔容易，因為日本女乒壇不乏人才，既有石川佳純，又有平野美宇等一眾小師妹㖭！