謝賢（四哥）昨日在中環為代言產品宣傳，鋒芝婚變令他成為傳媒焦點，問他鋒芝是否離婚，及有否再見孫仔？最初他保持沉默，但被再三追問下，他才說：「你問我問唔到嘢，總之唔使問，有事唔會同你講，我講唔到嘢。」
自稱心情好的四哥被問到如何慶祝父親節，他說：「父親節咪自己慶祝囉，我同我老竇一齊慶祝，佢喺下低。」有指栢芝陰乾霆鋒財產，四哥即說：「你都short嘅，問啲咁嘅問題，呢啲事唔到我講，所以你哋唔使打畀我喇！」有指栢芝連霆鋒買給四哥居住的金徽閣物業都要轉到她名下，四哥說：「你問佢啦！」可擔心霆鋒的資產嗎？他說：「我擔心我自己啲資產。」

「件事未咁快有答案」

問四哥是否贊成霆鋒離婚？他說：「你問呢啲我都唔答得你，如果我離婚話畀你聽好唔好？你問番我個仔。」鋒芝是否未雨過天青？他說：「答案邊度有咁快o架？件事都未有咁快有答案，遲早都有。」
至於有否掛念孫仔？四哥笑說：「我唔話畀你知，我掛住你哋多過啲孫仔。」但對於會否再視栢芝為「謝家之光」，以及會否因最近新聞而改觀？四哥上車前只說：「好喇好喇！」　
採訪：何慧斯
攝影：陳俊強