【新增入場數字】
香港第二年舉辦Formula E分站賽，據悉首日有逾1萬名觀眾入場。雖然當局稱能吸引「高端消費」，但現場不少市民表示是因免費飛才入場。曾到澳門觀賞F1賽事的張先生，認為逾2,000元票價較貴，「如果係買係貴嘅，不過今次係sponsor（贊助）」。他指未曾看過FE賽事，今次先來觀摩，「都係嚟感受吓，聲音係爭啲嘅」，又稱若氣氛不俗下年便會買飛入場，不過他指在摩天輪看台觀賽，「今日係曬啲，會搵位避吓」。

觀眾陳先生直言不是賽車迷，同樣是因為公司有免費飛才到場，他指去年在電視看到過轉播，「同現場睇應該唔同，所以嚟睇吓」，認為電動車賽事「冇咁有刺激感，同埋要換電，上年睇有車因為冇電DQ（取消資格）咗」。他又指，中午人流不多，以大型賽事而言氣氛不夠熱鬧，「原來咁貴啲飛，如果依家個氣氛，2,000幾蚊唔會嚟」。他又指，近摩天輪看台只有兩架美食車，食物選擇有限。

舉行嘉年華的E-Village則相對較熱鬧，大屏幕前設有躺椅，入場人士也可坐在草地上觀看直播。陸太抽中4張E-Village免費門票，與兩名友人帶同2名小朋友到場，她指今早10時到場，認為E-Village氣氛不俗，有足夠地方供小朋友玩樂，不介意只能透過屏幕觀賞賽事「係差啲聲」。

潘小姐亦在E-Village觀看直播賽事，指電動賽車聲音較小，相比澳門F1賽事「感覺好似距離近啲，有車嘅聲好似震撼啲」。今日陽光普照，她建議大會可增加有瓦遮頭的地方，「坐咗一個鐘已經流晒汗啦」。

本身是車迷的梁先生間中亦有觀看F1直播，「F1始終大型好多，FE香港都係呢兩年先開始搞」，他認為電動車聲音雖然較小，但速度感不俗，但場內攤位主要是車廠，「入嚟睇好似冇乜值得參考嘅地方」，認為攤位過於單一，希望有多些攤位售賣不同商品，「行咗5分鐘都冇乜嘢行」，又批評攤位遊戲太多人排隊，食物及紀念品偏貴，「連頂帽都要200蚊喎，買把遮都300蚊喎」。他坦言免費才入場，直言賽事門票售減至200元才會購買，當得知E-Village去年門票也收300元時，他即表示「嘩！收錢真係冇可能嚟。」