阿Webb嘅理由好簡單：你想將間公司交畀由坐緊監嘅人所提名嘅董事？定係交畀已經做到小小成績嘅管理層搞番呢？所以，佢建議獨立股東應該要撐國美董事會，畀陳曉繼續做莊。
之不過，雖然有阿Webb幫口，陳曉陣營都唔好太開心住，事關佢力撐之餘都提出質疑！佢話對於委唔委任貝恩資本嘅3名董事入返國美董事會嘅議案，除非貝恩牙齒當金使，肯喺9月28號之前換晒批可換股債券，如果唔係，佢睇唔到有咩理由，要畀一個債權人喺董事會裏面有say。仲有，國美一直當係「尚方寶劍」嘅配發20%新股一般授權，佢不嬲都反對上市公司擁有呢個權，今次都唔例外，佢建議股東投反對票o架！
李華華
mailto:
[email protected]