陳豪應本報「偶像齊齊玩」邀請，日前在健身室教fans健身。模特兒出身的陳豪，平時每星期總會抽一至兩天往健身keep弗，所以由他客串做健身教練指導三男七女fans玩健身，絕對勝任有餘。
陳豪先教fans在健身前做簡單的熱身運動。之後，他訂下健身五部曲，分別教大家如何收臀部、小腿、肚腩及手臂的贅肉，陳豪循循善誘，fans紛紛用心學習和踴躍嘗試。
Fans谷到面紅
健身期間，陳豪還教大家玩啞鈴，他說：「先選擇適合自己重量嘅啞鈴，然後單手攞住，另一隻手屈曲放喺揸住啞鈴嘅手肘位置，攞啞鈴嘅手一吓一吓舉動，每次可以做八吓，然後再轉手，如此類推做三次。」其中有位叫Manon的fans，一向喜歡玩健身，他選了最重的啞鈴跟陳豪做動作。可是，他舉啞鈴時十分吃力，連臉也紅起來。陳豪遂建議Manon可以舉較輕的啞鈴，陳豪講笑說：「唔好死頂。」大家隨即哄堂大笑。
承諾會演好戲
最後，當陳豪準備離開時，fans顯得依依不捨。陳豪對他們說：「我都好開心有機會同佢哋咁近距離接觸，佢哋都好nice。我亦估唔到女fans咁細心會準備見面禮畀我，見佢哋對我咁支持，我承諾會演好啲戲，唔可以辜負佢哋嘅期望。」
採訪：比華利、羅慧敏
攝影：陳偉權
髮型：IvanLee（Headquarters）