莫雷拉剛周三（28日）雖然交白卷，不過睇番佢今季四次食完白果後，接着一次賽事均贏不止一場，證明唔會連續兩期失威，再加上佢自從三月至今14次列陣日馬賽事均贏兩場或以上，合共交出47W之多。

周末（7月1日）賽事各駒配搭及排位已於今早（29日）公佈，當然要第一時間睇吓雷神有咩數糊籌碼啦！

今戰莫雷拉騎足十場，座騎分別為「架勢」、「歐洲巨星」、「四平八穩」、「安荃」、「萬事醒」、「大步走」、「劍斷浪」、「首飾大帝」、「深愛」及「馬功臣」，當中「架勢」、「歐洲巨星」及「萬事醒」均屬新座騎，幕後突然扳上雷神已露出擊之意。

另外，「大步走」、「劍斷浪」、「深愛」及「馬功臣」剛於上仗非勝即位，亦可替莫雷拉增添進賬。