有人說一對皮鞋就可出賣男人品味，這句話沒說錯。因而男人投資落鞋，比得上女人投資於手袋上，更何況男人長情，一着可達幾季。今季新款就以方形漆皮皮鞋配各種Sharp色橡膠底，藍、綠、黃色等，與春夏路線脗合，大放英倫斯文感覺。當中的Oxford鞋款改以傳統啡或黑淨色配鋸齒式鞋底，平添一份穩重，其他鞋款亦見有Boots及Loafer，擺明殺盡老中青。

講埋今季服裝主題，明顯地走復古熱潮，鬆身剪裁的西裝褸，肩膊位特闊，配合下身貼身長褲或三個骨褲，由厚身的皮料、騎兵服布料、輕身日本布料都兼備，足以應付秋冬兩個季節。除大褸外，針織冷衫可說是另一潮人戰場，相比之下Cutting則較貼身，以多樣化的金屬色或菱格圖案打造，兩者點計都夠搶眼。

玩驚喜係Prada主帥Miuccia強項。話明冬季不再沉悶，眼見天橋上的男Model手執各款鮮艷特大方形牛皮手袋登場，簡約線條又不失浮誇。另一亮點就肯定落在TessutoScozzese系列袋上，蘇格蘭格仔Pattern配以尼龍物料，輕身之餘，更注入不同Colorful色彩，小自Cardholder、銀包，大至斜揹袋及手挽袋均大打格仔，Handle度即時大增。

Prada（22347211）
中環ifcmall2057號舖