當年今日
關於我們

打孖補出真係幸運

蘋果日報 2013/12/07 06:00

幸運雄威

大賽日贏馬係所有馬主夢寐以求,如果只擁有四、五班馬固然冇辦法,之但係就算有中上班次嘅馬,都唔一定請纓有路;03年以「幸運馬主」揚威香港一哩錦標嘅馬主梁啟徽,聽日原本只有「名駒」、「幸運戰略」同「幸運聖」感受氣氛,點知排位朝咁啱得咁蹺,太太張素玲嘅「幸運雄威」同「幸運勝利」雙雙後備一補上,認真係天注定!
儘管「幸運」五子都唔係躋身國際賽場合,但兩匹後備同時補出,難度咁高都畀佢哋做到,頗有富貴逼人來之勢。事實上「幸運雄威」、「幸運勝利」都各有可取,況且跑馬呢回事向來只有運就掂,如果你相信呢一點,到時絕對吼得過。