香港電影金像獎頒獎禮於下周日在紅館舉行，在十多個競逐獎項中，最受矚目的自然是「最佳男主角」、「最佳女主角」、「最佳電影」和「最佳導演」四個大獎，不過牡丹雖好亦要綠葉扶持，所以男女配角獎一樣重要（提名名單見附表）。

發揮甚大
在今屆「最佳男配角」的提名名單中，憑《功夫》獲提名的元華，較被看高一線。影評人曉龍日前接受電話訪問說：「我會較睇好元華，今次佢喺《功夫》的確係演出到角色神髓，可能因為個角色寫得好，可以畀佢有好大發揮，加上佢同元秋又配合得好好，比較起其他對手，我覺得佢機會應該高一線。」
在「最佳女配角」方面，曉龍認為憑《餃子》獲提名的白靈應可穩奪此獎，他說：「我睇白靈喺《餃子》演出實在突出，佢同千嬅嘅對手戲用咗身體語言做戲，比較起楊淇、邵美琪、盧巧音同胡燕妮呢幾位對手，佢應該機會最大。」