老生常談跑親快活谷馬場，把持住靚內檔，贏面起碼會大啲。無他嘅，因為場地彎急直路短，排外檔控制唔到匹馬，轉彎時飛晒去大彎區，隨時跑1200變跑1400米。

剛戰（21日）五捷嘅田泰安就係好例子，所以呢位騎師喺谷戰一排外檔，就算馬再靚再勁頂多係配腳，二線馬甚至飛得望都唔望。

所以佢分別第六及七場嘅座騎「育馬妙星」同「問鼎高峰」排12與11檔，實力係有，但贏到就另一回事，所以羅白頭揀番第七場有較內3檔嘅「電訊驫馬」，做周三（25日）谷草賽事重點心水馬。

喺呢場三班1200米入面，早段識快嘅一係「電訊驫馬」，否則就係大摩嘅「劍追風」，但衰在後駒要排12檔，想搶放一定要用力埋欄，隨時上埋口放得太快。

相反一向有前速嘅「電訊驫馬」最近課閘睇到出閘好sharp，今仗仲有3檔幫手，真係望住「劍追風」嚟食，自己埋欄領放又得，畀「劍追風」帶頭，自己拎包廂位又得，此所謂進可攻退可守。

加上鞍上嘅史卓豐今季好早入晒局，已經攞咗三Win，「電訊驫馬」睇怕都係時候打破齋缽。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港