八方噚日唔聽警方同運輸署嘅呼籲，揸車經東隧由九龍過海去銅鑼灣，睇吓個大遊行可唔可以如期舉行，咁其實啲遊行人士都好守規矩，只係猛咁叫DownDownWTO以及釋放韓農，冇再同警方衝突。
八方發現，行頭位嘅竟然係李卓人，就問佢班被拉韓農會點處理？因為警方發言人馬維騄乜都唔肯講，只係話按香港法例辦事。阿人話，警方有權扣佢哋四十八小時，之後一係放佢哋，一係落charge，驅逐出境。
阿人自己搞工運，當然好同情班農民，佢哋當中唔少買咗噚日下晝三點機以及晚機走，但係見啲朋友被拉，都唔肯走住。
阿人行第一，班韓農就包尾，佢哋睇嚟都好唔開心，個代表重眼泛淚光同警察講要喺呢度靜坐，誓要救回同胞先回家。

傳真︰2623-9278
電郵︰[email protected]