要數港人覺得親切嘅作品，相信同馬及帆船有關。其中一幅二○一三年嘅作品名為《Happy Valley Race Track》，畫緊跑馬地嘅 夜馬，係Patricia Miner-Sutherland嘅手筆，原來Patricia係一個外交家嘅女，兒時喺香港住過，難怪捕捉到快活谷之夜嘅美景。Louis J. Kaep就喺一幅無題作品中，將傳統中式帆船同到訪嘅美國航空母艦融入畫面，突出香港點解長期以來都係美國海軍至like造訪嘅港口。
講到食，肯定係唔同民族人士互相了解嘅好途徑，千福BB都話美食之中最愛中式佳餚，而港澳係搵中國美食嘅理想地。千福特別喺飯廳掛上由James Aponovich創作食物畫，當中好多都係水果，原來佢話中國人眼中水果通常都係農曆節慶吉祥禮物。
美國國務卿克里則喺小冊子嘅序中話，喺各地大使館展出作品喺外交中發揮重要作用，通常都用美國同東道主嘅當代藝術品，希望作品既展示美國包容性，亦與各地人民培育相互尊重的關係。