陳新滋的學士學位是在日本的國際基督教大學取得，1975年畢業。大學是第二次世界大戰日本戰敗後，美國的教會到日本成立，宗旨是希望學生為世界和平作貢獻，所以每名學生在入學禮上都要宣誓遵守聯合國公約。
羅沃啟說：「唔好話佢曾經宣誓遵守人權公約，就算佢冇，身為一個學者，佢都應該尊重學生的不同意見，維護大學的學術自由。佢接納一份完全不合格的報告，係對學術自由的傷害，叫人點相信浸大會全力維護學術研究不受外來壓力影響。佢懷疑學生遞交請願信係博上鏡，好明顯完全唔記得公約的精神，係每一個人都有表達自由，而呢個自由係包括無人可以干擾其他人尋找、獲得、發放資訊嘅自由。我諗佢母校知道會好失望。」
浸大教職員工會發言人杜耀明表示，校長既然宣誓遵守國際人權公約，即承諾了尊重人權，應比一般人做得更好。「校長接受一份好多疑問都冇解答嘅報告，將專業操守嘅底線降到好低。」陳新滋無回應本報的查詢。