黃家強和葉世榮昨晚到將軍澳電視城錄影《勁歌金曲》，兩人在現場大方合照，並指08年後已沒同台演出，所以昨晚大家十分有緣，家強更打趣表示到時即興都可以夾BAND。

對於是否舉辦BEYOND30周年演唱會，家強：「兩年前有傾過，依家大家各自工作，BEYOND係合作團體，要有共識同默契，三個又分開左一段時間，音樂路線上有分歧，唔想傷感情，各自做音樂，BEYOND音樂在心中，如果工作上傷感情既話，寧願保持友誼。」世榮則打趣再合作可能要等到2046年。

世榮指愛女現時已10個月大，他說：「佢好大聲好長氣，仲好有節奏感，聽到《江南STYLE》即刻手舞足蹈。」記者提議他們未來可以對親家時，家強笑說：「等佢地大個咗先，盲婚啞家同政治婚姻囉，其實平時我地有係Facebook聯絡，傾電話太直接，有時做嘢講唔到，Facebook可以得閒先覆。」