李治廷前日喺北京宣傳佢第一張國語EP《治愛》，聞說入面有首歌係寫俾緋聞情人范冰冰。

佢兩個拍完《一夜驚喜》再接住拍《武則天》，真係日對夜對，感情應該與日俱增，喺新碟記者會上面，有唔少問題都係圍繞緋聞女友，而李廷治都係笑住咁答。

李治廷話范冰冰已經聽過佢隻專輯，仲自爆一齊去唱K，佢話：「跟她唱K時，發現對方很會唱歌。」之後話題又講到一齊拍戲，佢兩個再合作依然有火花，佢仲話冰冰對佢好坦白，有咩唔好都會同佢講！

話題再扯到長輩李媽媽，因為李治廷曾經講過帶冰冰去「見家長」，李治廷話：「我媽媽是個女漢子，冰冰也是女漢子，所以我媽媽很喜歡她。」嘩！大團圓喎！

噚日係西方「白色情人節」，唔知鬼鬼哋嘅李治廷有乜表示？嗰日冰冰心情都相當唔錯，專登著咗件白色衫，自拍咗一張靚相上載到微博，仲有網友讚到佢天上有地下無，仲問佢駛唔駛咁靚，話佢靚得過份喎！


爛片界盛事、由本報娛樂版舉辦嘅第九屆「金話梅電影選舉」（GoldenPlum）又嚟喇！請即click入網址投票，喺香港電影金像獎舉行之前選出爛片之霸！
↓↓↓
http://campaign.appledaily.com/goldenplum