利嘉兒同鄭啟泰主持嘅DBC數碼電台節目《告士打道3號》，今日喺西環華星客棧錄影，老闆娘朱慧敏任嘉賓及在場打點一切，安排莊思敏、裕美等齊齊挑戰廚藝。

婚後嘅利嘉兒揚言全力做好家庭主婦，並要等埋好友朱慧敏齊齊生仔，湊巧兩人都係睇同一個婦科醫生，利嘉兒話:「等我好消息，盡量會用自然方式。」

問到朱慧敏係咪好事近時，佢就尷尬話:「個個都以為我結咗婚，未結，唔分手就邁向呢個階段。」期間利嘉兒極力推薦朱慧敏有做司儀潛質，朱慧敏即表示要向對方學習，利嘉兒即寸大台話:「好，食個飯局先，等我開個嘉兒飯局。」另外，朱慧敏現時主力打理生意，減少幕前演出。