告東尼馬房明星馬「巴基之星」雖然連續兩場跑第二，不過受歡迎程度未有減弱，告仔亦都特別重視。今朝七點左右「巴基之星」由蔡明紹內圈慢踱，告仔全程跟出跟入，動態同昨朝一模一樣。「巴基之星」上場初跑千六米若非直路早段受困發力遲咗，未必會輸俾「宅大大」，反而周日再出排14檔，可以疊埋心水直路外叠衝刺，勝算更高。而收操時更有一大班日本記者訪問蔡明绍，可見「巴基之星」備受注目。