鄭欣宜、菊梓喬、胡鴻鈞等人，今日喺紅磡出席全球華語金曲獎記者會，眾人獲頒傑出年青/偶像獎項，大會仲頒發百年巨星紀念大獎畀今年60歲冥壽的陳百強，由他舅父姚德華及陳百強紀念館長謝敏潼代領。

欣宜得獎當然開心，佢搞笑話：「太好喇，趁仲有少少青春剩，可以得到呢個獎，過多幾年可能冇資格攞！」31歲嘅欣宜，還說：「其實喺呢一行，好多歌手都係好細個入行，但係我算係遲入行做歌手，23歲先入行。」

不過佢已經進軍紅館開騷，欣宜笑言：「係型嘅，我覺得喺音樂路嚟講，係好好彩。」欣宜坦言期待得女歌手獎，問佢可會期待得金針獎？佢話：「如果我可以喺呢行屹立不倒20幾年，我梗係想攞，我相信任何一個歌手話唔CARE，相信都係客氣嘅說話，因為除咗對自己嘅認同，亦都係對團隊係一個肯定。」

菊梓喬性感出席，佢笑自己喜歡骨感，A4身材冇加工，胡鴻鈞在旁也不敢斜視，表示女仔講求內在美，問他較喜歡對方，還是欣宜或許廷鏗？他笑說：「我所有都鍾意，大愛唔分種族、性別。」

精選娛聞，喺晒《娛果》
http://fb.com/appledailyent